Şaradan Putinə böyük zərbə - Rusiyanın bu hərbi bazaları geri qaytarır

Rusiyanın Aralıq dənizində on ildir davam edən dominantlığı Suriyada sona çatıb. Bəşər Əsəd rejimini xilas etmək üçün 2015-ci ildə hücuma başlayan Putin administrasiyası, Suriyanın yeni lideri Əhməd Əl-Şaranın hərəkətlərindən sonra çətin vəziyyətə üzləşib.

Planetinfo.az xəbər verir ki, Londonda çıxış edən Şara Rusiyanın nəzarəti altında qalan son iki strateji qala olan Tartus və Hmeymim hava bazalarının Suriya Milli Ordusuna təhvil veriləcəyini açıqlayıb.

Şara bununla da Rusiyanın Aralıq dənizindəki hərbi mövcudluğuna son zərbəni vurub.

Suriya prezidenti, eyni zamanda ölkənin müharibədən sonrakı hərbi infrastrukturunda edilən köklü dəyişikliklərdən danışıb:

"Planımız Suriya ordusuna təlim keçmək üçün qalan bu hərbi istehkamları müasir hərbi bazalara çevirməkdir. Milli suverenliyimizin tələbi olaraq, ərazimizdəki hərbi infrastrukturun nəzarəti tamamilə Suriya xalqına və ordusuna veriləcək".

2025-ci il ərzində mövqelərindən geri çəkilən Rusiya ordusu, Şara administrasiyasının məhdudiyyətləri ilə mühasirəyə alınıb.

Mənbələr təsdiqləyib ki, Rusiya qüvvələri son aylarda Qamışlı hava bazasından ağır texnikalarını çıxarmağa və onları İl-76 nəqliyyat təyyarələrinə yükləməyə başlayıb. Şimal və şərq bölgələrindən sürətlə geri çəkilən Rusiya hərbi qüvvələri artıq yalnız texniki heyətdən və məhdud təhlükəsizlik bölmələrindən ibarət təxminən 1000 nəfərlik simvolik qüvvəyə endirilib.