Məşhur idmançını mason şəbəkəsi öldürübmüş - Yeni detallar üzə çıxdı

Fransada 22 nəfərlik mason lojası dəstəsi məşhur formula 1 pilotu Loran Paskualini öldürmək ittihamı ilə məhkəməyə çıxarılıb.

Planetinfo.az xəbər verir ki, ittihamnaməyə görə, mason təşkilatı Parisin mərkəzini əsl cinayət mərkəzinə çevirib.

Bu qruplaşma öz təsirindən istifadə edərək qətllər, sui-qəsd cəhdləri və digər zorakılıq aktlarını planlaşdırıb və dövlət mexanizmlərinə sızıb.

Müttəhimlər kürsüsündə oturanlar arasında Xarici Kəşfiyyat Xidmətinin dörd zabiti, üç polis məmuru və nüfuzlu iş adamları olub.

Qaranlıq torun açılması 2020-ci ildə biznes məsləhətçisi Mari-Helene Diniyə qarşı sui-qəsdin uğursuz olması ilə başlayıb. Dininin evinin yaxınlığında silahlı şəkildə yaxalanan və peşəkar paraşütçü dəstəsinə mənsub iki cinayətkarın ifadələri qorxunc olub.

Cinayətkarlar etiraf ediblər ki, siyahılarındakı qadının İsrailə qarşı işləyən Mossad agenti olduğuna inandırılaraq aldadılıblar.

İddia edilib ki, şəbəkə liderləri Jean-Luc Bagur, Frederic Vaglio və Daniel Beaulieu lojanın qaranlıq planını həyata keçirmək üçün qatilləri bu şəkildə manipulyasiya ediblər.

Qeyd edək ki, 2018-ci ildə formula pilotu Loran Paskualinin cəsədi meşədə tapılıb.

Paskuali qətlinin də eyni şəbəkə tərəfindən törədildiyi məlum olub.

Yeddi təqsirləndirilən şəxsin ömürlük həbs cəzası ilə üzləşəcəyi məhkəmə prosesinin üç ay davam edəcəyi gözlənilir.