Üç ölkə BMT-nin İrana qarşı müharibə ilə bağlı qərarını pozdular

Fransa, Çin və Rusiya ərəb ölkələrinin Hörmüz boğazını yenidən açmaq üçün İrana qarşı hərbi əməliyyatlara dair BMT Təhlükəsizlik Şurasının təsdiqini almaq cəhdinin qarşısını faktiki olaraq alıblar.

Planetinfo.az xəbər verir ki, bu barədə "The New York Times" qəzeti məlumat yayıb.

Bəhreyn tərəfindən Körfəz Ərəb dövlətlərinin dəstəyi ilə hazırlanan qətnamə ilə bağlı səsvermənin bu gün keçirilməsi gözlənilir. Lakin Rusiya, Çin və Fransanın iştirak edib-etməyəcəyi hələ də məlum deyil.

Bu üç ölkə Təhlükəsizlik Şurasının daimi üzvləridir və veto hüququna malikdirlər. Paris, Moskva və Pekin hərbi güc tətbiqinə icazə verən istənilən dilə qarşıdırlar.

Bundan əlavə, mənbələr qətnamə ilə bağlı fikir ayrılıqlarının BMT Təhlükəsizlik Şurasının 10 qeyri-daimi üzvü arasında da yarandığını bildirirlər.

Hazırkı layihə bir neçə həftəlik qapalı danışıqlardan sonra dördüncü versiyasındadır. Mətnin çıxılmaz vəziyyətə səbəb olan hissəsində deyilir ki, Təhlükəsizlik Şurası üzv dövlətlərə keçidi təmin etmək və Hörmüz boğazını bağlamaq cəhdlərinin qarşısını almaq üçün bütün zəruri vasitələrdən istifadə etməyə icazə verir.