Alimlər qlobal iqlim fəlakəti barədə xəbərdarlıq etdilər
Antarktidada şelf buzlaqları ehtimal ki, əvvəllər təxmin edildiyindən daha sürətlə əriyir.
Bu barədə "Nature Communications" jurnalında dərc olunan araşdırmada məlumat verilir.
Qeyd olunub ki, bu prosesin əsas qlobal nəticəsi dəniz səviyyəsinin qalxmasının sürətlənməsidir. Tədqiqatçılardan biri olan Sin Çjou Antarktidanın gələcəkdə dəniz səviyyəsinin yüksəlməsi üçün ən böyük potensial mənbə olduğunu bildirib.
İşin müəllifləri xəbərdarlıq ediblər ki, əgər Antarktida şelfi zəifləsə və ya dağılmağa başlasa, bu proses hazırda xüsusi buz qalxanı tərəfindən saxlanılan milyardlarla ton buzu sərbəst buraxa bilər. Alimlər ehtimal olunan daşqın nəticəsində milyonlarla insanın zərər çəkəcəyini vurğulayıblar, çünki buz təbəqəsinin yoxluğu dəniz səviyyəsini 58 metr qaldıra bilər.
Şelf buzlaqları sahildən dənizə doğru axan və kənarlara doğru nazikləşən plitə şəklində olan, üzən və ya qismən dibə söykənən buzlaqlardır. Bu buzlaqlar quru buz örtüklərinin davamı hesab olunur.
Oxşar xəbərlər
Xəbər lenti
16:30
15:45
15:00
14:30
14:11
13:44
11:15
23:51
21:50
14:00
13:31
12:32
12:00
12:00
11:31
11:01
10:33
09:38
09:31
