BƏƏ-də onlarla Hindistan vətəndaşı həbs edildi - İnterdə videolar yayırlarmış

BƏƏ ölkədəki vəziyyətlə bağlı sosial mediada videolar yayan 19 Hindistan vətəndaşını həbs edib.

Planetinfo.az xəbər verir ki, bu barədə Hindustan Times qəzeti məlumat yayıb.

Ötən həftənin sonlarında İranın BƏƏ-yə atdığı raketlərin ələ keçirilməsini, nəticədə baş verən dağıntıları və yanğınları, eləcə də geniş yayılmış çaxnaşmanı əks etdirən videoları yaydıqlarına görə ən azı 45 nəfər həbs edilib.

Həbs olunanlar arasında hindlilərlə yanaşı, yerli sakinlər, Misir, Nepal, Pakistan və Filippin vətəndaşları da var.

BƏƏ Baş Prokurorluğu onları həm faktiki məlumatları, həm də ölkədə çaxnaşma yarada və daxili vəziyyəti poza biləcək süni şəkildə uydurma məzmunu yaymaqda ittiham edir. Təqsirləndirilən şəxslər həmçinin hərbi təcavüz aktları törədən dövlət haqqında təbliğat aparmaqda, eyni zamanda onun rəhbərliyini və hərbi əməliyyatlarını tərifləməkdə ittiham olunurlar.

BƏƏ-nin Baş prokuroru Həməd Saif Əl-Şəmsi verdiyi açıqlamada, həbs olunan müxtəlif millətləri təmsil edən vətəndaşların hazırda dindirildiyini bildirib.

O, onları bir ilə qədər həbs gözlədiyini və 100 min dirhəm (27 min dollar) cərimə oluna biləcəklərini qeyd edib.