Britaniya Fələstin Hərəkatına qoyulan qadağanı qanunsuz sayıb

İngiltərə və Uels Ali Məhkəməsi Fələstin hərəkatının qadağan edilməsini qanunsuz hesab edib.

Planetinfo.az xəbər verir ki, bu, hərəkatın həmtəsisçisi Houda Ammori tərəfindən verilən ərizənin yeddi aylıq dinləməsindən sonra 13 fevralda elan edilən qərarda əksini tapıb.

Fələstin hərəkatı 5 iyul 2025-ci ildə qara siyahıya salınıb. Təşkilata üzvlük, onun iclaslarında iştirak və fəaliyyətinə hər hansı formada dəstək cinayət əməli hesab olunur və 14 il həbs cəzası ilə nəticələnir. Hərəkatın qadağan olunmasından bəri ölkə daxilində təşkilatı dəstəkləyən etirazlarda 2000-dən çox insan saxlanılıb, 250-dən çox insan ittiham olunub.

Təqsirləndirilən şəxslərin əksəriyyəti altı aylıq həbs cəzası ilə üzləşir. Bundan əlavə, terrorizmə qarşı mübarizə qanunlarını pozmaqda təqsirli bilinən şəxslərə işə qəbul, universitetə ​​qəbul və ya Avstraliya, ABŞ, Yaponiya və Avropa Birliyinə giriş icazəsi verilə bilməz. Hərəkatın tərəfdarları əvvəllər Britaniyanın ədliyyə sistemini həddindən artıq yükləmək və hakimiyyəti qadağanı ləğv etməyə məcbur etmək üçün etirazları davam etdirmək niyyətində olduqlarını bildiriblər.