Zelenski Qərbə təklif verdi - Ukrayna və Belarus sərhədinəqoşun yerləşdirilsin

Ukrayna Prezidenti Volodimir Zelenski Qərb tərəfdaşlarına hərbi kontingentlərini Ukrayna və Belarus sərhədində yerləşdirməyi təklif edib.

Planetinfo.az xəbər verir ki, o, bu barədə "France-Presse" agentliyinə verdiyi müsahibədə deyib.

"Cəbhə xəttindən, Polşadan və ya Baltikyanı qonşularımızdan danışarkən onlara deyirəm ki, niyə sizin kontingentləriniz Ukrayna-Belarus sərhədində yerləşdirilməməlidir?"

Belə bir razılaşmanın əldə edilib-edilmədiyi soruşulduqda, o, "Hələlik cavab yoxdur" cavabını verib.

Zelenski əlavə edib ki, Kiyev xarici kontingentin cəbhə xəttinə daha yaxın yerləşdirilməsini üstün tutur.

"Biz kontingentin cəbhə xəttinə daha yaxın yerdə yerləşməsini istərdik. Kobud desək. Polyaklar kontingent yerləşdirmək niyyətlərini təsdiqləməyiblər. Əgər Polşa kontingent yerləşdirməyi və onu Lvovda yerləşdirməyi təklif etsəydi, bizə buna ehtiyac olmazdı", - deyə o izah edib.

Zelenskinin sözlərinə görə, Kiyev hazırda  Britaniya və Fransanın hər birinin bir briqada və 5000 əsgər ayıracağı barədə razılığa əsaslanır. O əlavə edib ki, digər ölkələr də əsgər ayırmaq istədiklərini bildiriblər.

Kiyev dəfələrlə bildirib ki, Ukrayna ərazisində sülhməramlı missiyalar, xüsusən də BMT və ya ATƏT-dən deyil, tərəfdaş ölkələrin tamhüquqlu hərbi kontingentinin yerləşdirilməsi istəyir.