Bu ölkədə nə işıqfor var, nə də siqnal səsi - Onlar müasir dünyaya meydan oxuyurlar

Cənubi Asiyada yerləşən Butan Krallığı öz qaydaları ilə müasirləşməyə meydan oxuyur. Belə ki, ölkə ərazisində bir dənə olsun belə svetofor yoxdur. 1995-ci ildə svetofor sistemi quraşdırılıb, lakin xalqın tələbi ilə bir gecədə sökülüb. Ölkədə nəqliyyat mexaniki intizamla deyil, sürücülər, piyadalar və təbiət arasında səssiz bir razılaşma ilə idarə edilir.

Bu qərar həmçinin ətraf mühitin davamlılığı, piyadalara hörmət və mədəni irs kimi Butanın dəyərlərini əks etdirir.

Sözügedən yanaşma ilə sürücülər sürətlə keçmək əvəzinə, ətrafındakı insanlarla ünsiyyət qururlar. Karbon izlərini minimuma endirməklə və təbiətlə daha düşüncəli qarşılıqlı əlaqəni təşviq etməklə, ətraf mühitə dərin hörmət nümayiş etdirirlər.

Butanda bir çox başqa ölkələrdə olduğu kimi, nəqliyyat vasitələri soldan, sükan isə sağdan hərəkət edir. Bir çox ərazidə sürət həddi saatda 30-50 km arasında dəyişir. Ölkənin çətin relyefi səbəbindən sürətlə sürmək tövsiyə edilmir.

Qəsrlər, monastrlar, məktəblər və xəstəxanalar ətrafında siqnal vermək qadağandır. Heyvanların qəfildən yolda çıxması ehtimalı da hər bir sürücünün nəzərə almalı olduğu vacib amildir.

Hətta gündüzlər belə, ölkədə avtomobil idarə edərkən işıq siqnalları yanır. Bundan əlavə, müəyyən marşrutlardan istifadə etmək üçün təhlükəsizlik icazəsi tələb olunur.