Erməni politoloqdan ŞOK AÇIQLAMA - "Hərbi əməliyyatlar dayandırılsa da, uzunmüddətli atəşkəs olmayacaq"

"ABŞ və İsrail hələ də İranla müharibədə məqsədlərinə çatmayıblar".

Planetinfo.az xəbər verir ki, bu fikirləri APRI Ermənistan beyin mərkəzinin politoloqu və tədqiqatçısı, şərqşünas Sergey Melkonyan jurnalistlərlə görüşdə deyib.

"Niyə indiyə qədər? Çünki İsrailin inandığı kimi, onlar vaxt limitini aşmayıblar. Yəni, hər şey tam olaraq planlaşdırıldığı kimi gedib", - deyə Melkonyan izah edib.

Ekspertin sözlərinə görə, heç kim İranla müharibənin bu qədər qısa olacağını düşünməyib.

Politoloq həmçinin qeyd edib ki, İran taktikasını mahiyyət etibarilə dəyişdirib. Xüsusilə, Tehran çoxsaylı, lakin həmişə təsirli olmayan zərbələr əvəzinə keyfiyyətli, daha az, lakin yüksək hədəfli zərbələri seçib. Bu zərbələr İsrail və hətta birgə İsrail-Amerika hava hücumundan müdafiə sistemini məğlub etməyə qadirdir.

Ekspertin fikrincə, ABŞ mövcud vəziyyətdən və bütövlükdə müharibədən çıxış yolu tapmağa çalışır. Digər tərəfdən, İsrail bunun əksini edir:

"İsrail ABŞ-nin İrandan zəmanət almadan müharibədən çıxmasının qarşısını almağa çalışır. Buna görə də İsrail bu fürsət pəncərəsindən istifadə edərək vəziyyəti gərginləşdirməyə davam edəcək".

Politoloq əmindir ki, hətta hərbi əməliyyatlar dayandırılsa belə, uzunmüddətli atəşkəs mümkün deyil. Müharibə davam edəcək.